朋友仔勝望壓一

猪拉多纳

　　第七場三班草地1000米，應是一場強弱懸殊賽事，「朋友仔」大前仗在港初出即於同程入Q，僅以馬頸位負於其後勇奪本地三級賽洋紫荊短途錦標、現評109分的「神舟十號」，所以再出順利贏馬補中。上場初跑轉彎路程1200米，可能一時未能適應加上沿途走外叠，最終只得一席無威脅的第三名。今次跑番強項直路賽1000米，配上近期手風大順的潘頓，又排得10檔好位起步，已集有利條件於一身，不勝無歸。

　　對手方面，「銳不可擋」今季八戰全於同程上陣，共獲兩冠四亞兩季，上名率百分百，準得交關，但計實力應難反先「朋友仔」，三甲一席卻甚穩。

　　另外，第八場三班泥地1200米，「三和福將」三戰同程均上名，其中近兩仗第二只以短距離負於「輕彈錢笑」及「雄心勁龍」兩匹惡馬，賽績不俗。今次對手大幅減弱，應是出頭良機，馬膽穩陣。「步步威」來港後跑得最好就是同程，兩場都有獎金，大摩出王牌再戰，應有信心跑入前列。