方廐雙「龍」好惡

猪拉多纳

　　今季剩下十八次賽事，冠軍練馬師寶座爭持激烈，大家別過早妄下判斷，以為是蔡約翰和大摩單打獨鬥，皆因告仔與小方亦步亦趨，絕對有權推翻大局。今晚賽事在谷草進行，查季內谷戰僅餘五次，搏殺機會屈指可數，方廐馬列陣「主場」，當然有高度重視必要。

　　就講上星期三，小方全晚總共出馬十二匹，陣容何其壯觀，結果埋單取得兩冠一季，證明不是虛張聲勢，旨在為他人作嫁衣裳，而是真有料到。還看方廐今次十路興兵，場場均有出馬，部署儼如上周三，預期起孖是最低要求，各位不妨從中動腦筋。

　　頭場「飛天龍駒」是鐵馬，今季出賽十七次，雖然屢拼不逞，但十一次奪得獎金，六歲馬表現極之穩定。最難得的是，上仗大幅增程跑田草1600米，從後追上有聲有色，今晚縮程至1200米並回歸谷草，計卡士贏盡同場對手，如成冷門博得過。

　　第二場「喜發龍」是另一匹失運馬，季內十戰試前試後，卻鋪鋪得個近字。賭博士仔細翻看此駒的賽事影片，發現牠在總場次465跑谷草1200米之役，走勢誠是今季最靚一次，該役途中一再受阻，失位難計其數，最終僅以三身位見負，絕對是水準之作；今次再臨同程勿錯過！(賭博士)