時尚風華形勢大好

猪拉多纳

　　頭場五班1200米，「時尚風華」自除去眼罩後，已一連兩仗在同程得第二，分別負於「金磚五國」及「元豐泰」兩匹五班惡馬，表現其實相當不錯。今次續配潘頓再跑此程，強手已去兼繼續排內檔好位，形勢大好，有機會先拔頭籌。「中國好」終於排番次一檔起步，對爭勝必然有幫助，加上回配人馬合作一次即上名的田泰安，應有一定威脅力。

　　「鑽飾天使」季內跑五班賽的演出穩定，除已獲兩冠兩季外，其餘亦甚少大敗而回，今次強配貝湯美執韁，要求一席無難度。冷門可留意「寶成智星」，九歲馬未肯退役應該仲有計，現時力短轉跑1200米可能更好，加上轉配件有變數，千祈咪睇小。

　　第二場四班1200米，「愛寶」兩戰同程均入Q，其中上場在起步不算快的情況下，亦可憑後勁追回一席第二，僅以短頭位不敵「一定贏」，表現明顯又進一步；復課後韋達依然經常摸住，期間更曾親操三課十分重視，擺明要補中頭馬，馬膽不作他想。

　　「紅運飛駒」至今跑過三場未有上名，但每次都走得接近，而埋門更刻意試課谷閘省一省，應是有備而來，用杜鵬志可出冷。「喜發龍」目前要在沙田贏馬並不容易，谷戰應是其唯一出路；事實上，此駒季內兩戰同程均獲獎金名次，路程方面絕冇問題，有力爭一席。(耀鈞)