係時候捧幸運金龍

猪拉多纳

　　由於配合跑馬地的渠道工程，連同今仗在內，季內只餘下五個谷草賽馬日，故此不少練馬師均把握機會，盡量安排旗下擅跑谷草的賽駒上陣爭功。

　　苗禮德開季至今交出三十二場頭馬，當中雖只得九W於跑馬地馬場取得，但始終近期此馬頻頻在田泰安胯下搏殺得手，如剛周日「至尊飛星」亦以次熱門身份贏馬，足證近期投X時，記得要秤先此對旺門騎練組合。今次苗僅派三駒出賽，當中只得第七場「幸運金龍」配田泰安，捉路值得優先留意。牠季內八戰未勝，只因季初在二班角逐，強手林立敗不足據，但近期重返三班出賽即連番跑近，如前仗配田泰安跑谷草1650米，僅以四分三馬位不敵接戰再贏的「方程式」。

　　「幸運金龍」上仗被加1分再出及易配薛寶力出賽，也在谷草一哩跑回一席第三，該役負於「皇者拍檔」及「過關勇將」而回，落敗距離跟前仗一樣同為四分三馬位，反映「幸運金龍」的近態十分不俗。

　　回配田泰安有計

　　據資料顯示，「幸運金龍」以往曾在谷草1650米獲2冠5亞1季1殿，可見路有專長，這次回配田泰安兼出王牌報跑強項，看部署應有心郁手；既然同場不少對手均已在季內贏馬交代，戰意未必十足十，加上「幸運金龍」歷來在5月出賽悉數入Q（見表），數據強要揀牠做連贏馬膽，縱使負131磅兼排八檔亦不能睇小。歐陽志恆