剛破四月僵局蔡廐馬繼續求勝

猪拉多纳

　　唔講可能唔多覺，蔡神仙踏入四月攻勢好鬼「立」，啱啱先至有隻「輕彈錢笑」打破四月不勝僵局，佢之前成績唔好，可能係無可避免，事關之前個個月係咁贏，十一月至十二月贏25W，二月至三月又贏多12場，你估馬場係佢開嘅咩，一個人揸差。

　　蔡約翰頭馬贏得多，即係手上子彈愈少，攻擊力自然會有所減低，所以，近期賽事，你會見到阿蔡出馬都唔多，1日最多4、5隻，再唔係一籮籮咁攞出嚟，係又跑，唔係又跑。

　　用好手唔似裝假狗

　　既然上次賽事蔡廐馬終於有突破，可能頭馬會陸續有來。只係睇表面，呢期阿蔡都係凍過水，第二場「飛龍」隔晚十幾倍，唔係多過係！其餘3件賠率唔算勁，講實力，又唔似贏得晒，好似冇乜信心。但說話又唔可以咁講，呢幾匹馬全部用好手，冇理由裝假狗啩？！

　　其中第三場「陽明揚揚」，初出已經有第三，蔡廐質新馬跑完一場再出可以變化好大；尾場「慣勝福星」近兩仗輸到人怕，估唔到雷神都肯騎，配搭已露端倪。(Jack)