第四口孖寶捧霍廐

猪拉多纳

　　霍利時季內已勝出十五場頭馬，如單計勝後再出的馬匹中，至今只得「興趣」曾連贏兩場，雖然此廐新勝馬向來甚少連捷，但德哥總覺得今日第五場的「勇進」可再下一城。此駒季內八度出賽交出兩冠兩亞一季一殿，另有一場跑第五名，乃少數演出較穩定的霍廐馬，尤其牠上仗在郭能胯下後上如箭贏田草1800米，看追勢絕對是超班表現。

　　翻查近兩次採用田草C+3欄時的戰果（2月8日及3月23日），明顯以後上馬佔優勢，並且不時見排大外檔的馬後發先至；這次「勇進」續配郭能再跑贏馬路程，排十二檔亦應無礙發揮。此外，要揀第四場霍廐實力馬「常妙星」買WP過關外，不妨賭埋第四口孖寶。