醒目波幅返泥捧盃

猪拉多纳

　　今日復活節賽事提供第九口孖寶。第九場「醒目波幅」上場初跑級際賽兼首次增程至1400米，對手大幅增強且路程嫌長，無表現其實好正常，今次回跑二班賽，仲係一戰即輕勝之泥地1200米，如出閘順利，大可放番嚟贏馬兼捧盃。

　　至於尾場就睇好「碧科」，此駒今季專攻田草1400米，雖然尚未一勝，但連場接近包括兩度入Q，當中一仗更是不敵已上頂班的「好靚仔」，可見目前跑三班賽必定有利，應可打開今季勝門。