舞林高手首本路W

猪拉多纳

　　第八場由三班馬匹跑1000米直路賽事，季內贏過同班同程者只有兩駒，分別是摩廐「舞林高手」及沈廐「飛躍成功」，比較上，應以前駒有較大上升空間。「舞林高手」贏馬一役雖然可以話因「神舟十號」走位差才取得，但本身能締造出頭馬時間56秒53其實殊不簡單，而上場田草1200米得第二，亦不過以半個馬位負於路程專家、今季三出三捷之「邦之星」，明顯又進一步。

　　「舞林高手」今次跑番首本直路賽兼排11檔起步，形勢本已有利，加上改配7磅仔呂卓賢更顯搏殺決心，事關騎練季內合作上名率高，可望繼「贏得」後再合作取得頭馬。

　　盤滿鉢滿加眼罩好

　　「盤滿鉢滿」上場初跑三班同程雖落第，但跑第六只負兩個半馬位其實不差，復課後即加眼罩考試大閘，走來輕鬆一放到底，可見此配件大有幫助，今仗初戴應有更進表現，也有爭勝機會。

　　另外，第四場四班1600米，潘頓揀騎「準備就緒」而放棄「電訊太子」，應該唔會揀錯；事實前駒愈跑愈進步，3歲馬肯定有排上，連場追得勁，今增程跑1600米必然更佳。(向東)