桃花心排g檔照贏

猪拉多纳

　　今戰打吡大賽日，大摩強兵當然要優先留意，但只出七駒的蔡約翰也不能睇小，其中角逐第九場三班1800米的「桃花心」勝望頗大。此駒今季一出即於田草1600米贏馬，未熱身下有此表現難度甚高，所以再出排13檔照樣彈甩對手；上場增程初跑2000米，則略嫌韋達發力過早，才被「威風猛將」後上所擒屈居亞軍。今次縮程跑1800米合適得多，14檔亦不會構成阻力，可贏馬升上二班。

　　「穿雲箭」在港跑得最好，便是大前仗同程以半個馬位不敵「公平競技」得第二，之後轉戰泥地及谷草落第皆不足為據，回跑強項有威脅。

　　另一場心水係第七場本地一級賽1400米女皇銀禧紀念盃，大摩四駒中，計級數必以「花月春風」最高，本身貴為上季國際一級賽冠軍一哩賽盟主，上仗2000米香港金盃亦跑第二。今戰大幅縮程表面睇有一定難度，但以其跟前跑法，相信影響不大。大摩經常博你唔信，此駒隨時主力所在。苗禮德馬房「好健康」雖然蝕分上陣，但近期打叠贏當銳，三甲一席唔難。

　　(向東)