追風駿足升班照贏

猪拉多纳

　　今次三T雖無多寶，但由於每關均有重心馬，仍值得小注一敲。

　　頭關第四場四班1600米，「天笑」上陣以來四戰共獲一亞三季，其中上場初跑同程，僅以頸位不敵當日走有利場地之「電訊太子」入Q。復課後由莫雷拉接手，並親試三課盡顯誠意，排二檔只要不出錯，大有機會順利贏馬開齋。

　　次關第五場三班1400米，「碧科」轉戰同程後演出穩定，近兩仗更跑第二，可見現階段以1400米最合。上場受讓兩磅情況下，以頭位負給今次又同場的「川河首駒」，今仗拉闊至五磅照計應可反先，做膽穩陣。

　　尾關第六場三班1200米，「追風駿足」應是最穩一駒，上場季內初出加眼罩跑同程，即以一放到底輕鬆姿態打開勝利之門，而同場二、三名馬「好加加」及「獎金王」其後亦能順利贏馬，足證賽事水準不俗。雖然距上賽已四個月，但期間試過三課閘，應無不妥，升班一樣有力連捷。向東