唔信唔信又一劑 安國倫咪睇小

猪拉多纳

　　雷神復出，正正式式雷聲大雨點小，全日只係交出1場頭馬，熱門死火數駒，粉絲肯定輸到一殼眼淚，正式係贏粒糖、輸間廠。

　　但亦唔可以怪雷神，身為號召力十足騎師，坐騎梗係熱門，你情我願，冇人支槍逼你買落去，賭彩賭彩，當然含有一定風險。

　　呢次莫雷拉手上繼續好多實力馬，會唔會即刻挽回面子，夜馬整番幾W，番一眾粉絲，抑或又係贏粒糖？有時真係好難估，但係賭馬唔可以唔信邪，希望愈大，失望愈大。

　　如果雷神「立油」，邊個可以頂上，未必係潘頓，又唔會輪到韋達話，最大機會係安國倫。後者今季已經試過好多次類似情形，唔信唔信又一劑，所以，唔好淨係識得掛住雷神。

　　樂有贏鬥志十足

　　安國倫今晚有幾匹實力馬，第二場「樂有贏」，不斷敲門，恨贏恨到發燒，鬥志如何唔使多講。

　　第四、七場兩駒，「千杯豪情」同「信眼光」，賠率唔係太熱，講到實力就有晒近績撐，唔係冇料到。Jack