滿足八卦欲望「講呢啲！」

猪拉多纳

阿仙奴領隊雲加話：「迪亞比傷愈復出，球隊猶如得到強援加盟……」球迷即時反應：「講呢啲！」

巴塞主席高層話：「法比加斯是球隊最後一塊拼圖（現在可能是艾朗藍斯）…」又係阿仙奴球迷：「講呢啲！」

柏天尼要大力推行財政公平競技條款，一眾富豪玩物…應說富豪球會如曼城、巴黎聖日耳門高層：「講呢啲！」

甚麼？廣州恒大勇奪亞冠盃不是靠外援？！其他內地各省球迷話：「講呢啲！」

列貝利為拜仁取得多項錦標，就理應頒「金球獎」給他？美斯、C朗笑笑口：「講呢啲…」尚有白禮達拍拍手：「講呢啲。」

羅渣士讚賞瘋狂入球的蘇亞雷斯現在價位應值四千萬零二鎊，雲加馬上彈起身：「講呢啲！」

要改善本地球場草地質素，說了那麼多年，那麼多年以來康文署一直：「講呢啲…」

泰利沒有傷害過布歴治、傑斯與其弟婦感情很好，全世界傳媒：「好！講呢啲！」

最後，出了名的「烏鴉口」球王又再預測，巴西可以入2014世界盃決賽，「………」

球圈也不就是一個娛樂圈，無論你是一本正經、花天酒地、影響社會、意氣之爭，都可讓你警惕，滿足你八卦欲望，都係「講呢啲」！