哥本哈根主場有氣細

猪拉多纳

B組另一場賽事，土耳其勁旅加拉塔沙雷作客鬥丹麥哥本哈根，哥本哈根對上8場主場歐洲賽只輸過1次，包括今屆分組賽打和祖雲達斯，就算加拉塔沙雷平均實力較高，預料戰情亦會非常接近，波童今場捧細盤。

（周三凌晨3時45分開賽）
加拉塔沙雷入波唔易

加拉塔沙雷上輪主場以3比1輕取哥本哈根，目前以2分力壓祖雲達斯排此組次席，表面上實力較高，而且佢哋只要今場贏波，就至少可取得一席小組第3並保住歐霸盃資格。

不過，哥本哈根向來靠主場搵食，除咗最近9場主場未輸過，對上8次喺主場踢歐洲賽只曾一敗，代表作包括06/07年贏曼聯1比0同埋10/11年以1比1打和該屆冠軍巴塞隆拿，上次分組賽面對祖雲達斯門將祖漢韋蘭特上晒身，成功賽和1比1，主場氣勢及防守力之強絕對唔可以睇小，今場預計入波都係一球起、兩球止，因此捧細盤最穩陣。