巴拿馬強勢撲擊加拿大

猪拉多纳

美洲金盃A組巴拿馬對加拿大，頭兩場分組賽巴拿馬都順利勝出，狀態及士氣極佳，相信球隊唔會勒住踢，希望以全勝姿態打入淘汰賽階段，1.78倍主Ｗ可取。

（有線61及201台周一凌晨3時30分直播）

假美國舉行的美洲金盃A組上演最後一輪賽事，此組榜首巴拿馬兩勝得六分已奪得晉級八強資格，基於小組次名及兩支最佳第三名都可出線，所以同組墨西哥、馬提尼克以及加拿大都仲有機會。

巴拿馬喺今屆美盃展示實力，喺分組先後擊敗墨西哥及馬提尼克。巴拿馬殺得性起，今場當然要繼續進取，以免鬥志回落影響往後發揮。加拿大雖然仲有機會爭出線，但礙於球隊實力有限，連同金盃及熱身賽已連輸五場，相信今場都好難威脅到主隊，主Ｗ先揀。

同組馬提尼克對墨西哥，後者讓波不值，可捧「讓球主勝」。因得失球差有優勢，今場墨西哥只要打和就會壓住馬提尼克，以小組次名晉級八強。今場根本冇必要同對手鬥攻鬥搶。墨西哥鬥心略嫌不足，馬提尼克受讓要留意。

（有線61及201台周一早上6時直播）
B組海地洪都拉斯贏波

B組已經踢過第二輪比賽，海地憑桑梅里斯連入兩球，以二比○擊敗千里達；洪都拉斯於補時第二分鐘，憑佐治卡路士嘅入球以一比○險勝薩爾瓦多，成功殺入八強。