摩洛哥大舉喪攻

猪拉多纳

鬥坦桑尼亞非勝不可

今日有多場世盃非洲區外圍賽上演，心水場次係C組摩洛哥主場鬥坦桑尼亞，捧大盤！摩洛哥於小組僅排第3，大幅落後榜首科特迪瓦5分，要從後趕上今仗非勝不可！摩軍個W得1.3倍，有大炒味道；坦軍入得又失得，捧1.9倍大盤好過。

（周日凌晨4時開賽）
貝漢達艾亞比有卡士

依家非洲區進行到第2圈，40支球隊分10組，10組榜首球隊，可以進身下圈。睇牌面，C組首名都係科特迪瓦同摩洛哥之爭，但3戰過後摩軍僅得2分，不但大幅落後畀「大象兵團」，連坦桑尼亞都差4分，今輪無論鬥邊隊，都會喪攻求勝。

今次摩軍冇選昆士柏流浪中場泰拉拔，利物浦翼鋒艾薩迪亦因缺態已冇入選，但球隊人才頗多，其中蒙彼利埃大將貝漢達好有卡士，前鋒艾亞比亦屬危險人物。坦桑尼亞毫無心理壓力，趁強勢唔赦摩洛哥，作客亦會鬥攻，今場揀大最好。

同組科特迪瓦作客岡比亞，杜奧巴未有入選，但仍有耶耶托尼、沙洛文卡勞等壓陣。「大象兵團」後防穩陣，作客係小勝格，細盤可捧。