史浩克熱Ｗ冇肉食 玩大好過

猪拉多纳

今晚球迷真係唔可以錯過德甲直播，拜仁慕尼黑主場對奧格斯堡完場之後會有頒獎儀式。近年拜仁投資咁多錢買球員，今季終於等到收成期，就連近年壟斷歐洲球壇嘅巴塞都唔係佢哋對手，真係乜彩都畀佢哋攞晒！

去到尾二呢輪德甲，9場比賽會同時進行，而我哋有線就揀咗戲碼最強嗰4場，分別安排喺4條頻道直播。今晚我心水場次係史浩克04主場對史特加。史浩克為咗保住個第4位，一定有搶分動力；相反史特加位處中游冇乜好爭，加上已穩奪一席歐霸盃資格，戰意成疑。

（有線64及203台周六晚9時30分直播）

呢場莊家開出主W好熱，暫時主勝只得1.27倍，亞洲盤開出主場讓球半低水。讓得咁狠，唔只因為兩軍實力有距離，而係去到季尾，要搶分嘅球隊往往都會被睇好。攞唔到呢3分史浩克或者會跌出前4，下季就會由踢歐聯變咗去踢歐霸，搵少好多錢o架！由於跟到佢實嘅法蘭克福同弗賴堡分別只係落後3分同4分，為免夜長夢多，今晚一定要贏！今場左翼達斯拿要停賽，佢個位會由米高巴斯圖斯頂替，而法芬則會復任右翼，前線仍然有亨特拉爾攻堅。今季史浩克喺德甲主場獲10勝3和3負，勝出率甚高。
史特加防線不穩

史特加殺到入德國盃決賽，對手拜仁又已肯定踢歐聯，所以史特加無論贏輸都已取歐霸盃參賽資格！而喺聯賽榜形勢，佢哋亦都遠離降班區有成9分，非常安全，因此無欲無求之下，今晚會出幾多成功力都係未知之數。加上左閘酒井高德同中堅魯迪格齊齊停賽，後防嚴重不穩，睇嚟亦好難抵擋得住主隊強攻。

不過雙「史」向來仇口大，一碰頭多數開出大比數，而史特加首循環時都贏過史浩克3比1，如果嫌W太熱冇肉食，，不妨諗諗中位數為3.5球嘅大盤。
Wendy推介：

史浩克04Vs史特加 讓球主勝、大盤