貝利沙回勇 獅吼W「德」

猪拉多纳

力爭澳職總冠軍3連霸嘅布里斯班獅吼，成功喺常規賽最後一場砌低FC悉尼，再次殺入季後賽。雖然獅吼今仗要作客鬥阿德萊德聯，但陣中有「阿德」剋星貝利沙回勇，仲要作客對賽贏條街，2.1倍客勝值得捧場。

（有線64周日下午3:00直播）
阿德萊德聯嚴重跌Watt

獅吼近4次聯賽作客阿德萊德聯唔單止未輸過，仲攞到3勝1和佳績，完全當主人家冇到，其中射手貝利沙上半季表現雖然慢熱，不過踏入季尾及時復甦，近9場攞到6球進帳，更重要係佢對親「阿德」特別醒神，近6次對賽就轟入5球，配合埋上季MVP布萊治喺中場派牌，大大提升入球本錢，就算今仗有守將馬菲史密夫養傷，獅吼亦值得信賴。

反觀阿德萊德聯就愈戰愈頹，最後7場常規賽只贏得1場，表現完全欠缺說服力，叫人點支持？陣中靈魂人物中場維度錫又跌晒Watt，呢位球隊首席射手由1月至今只係靠12碼射入一球咁大把，連主將都死晒火，相信「阿德」都係難逃輸波命運。