新特蘭頂住半場細

猪拉多纳

癲佬砸車飛沙劈石

「癲佬」迪肯尼奧躁狂督師，「黑貓」目露兇光，半場頂得住「車」撞！英超車路士主場撼新特蘭，客軍近日委任迪肯尼奧領軍護級，呢位意大利名宿出名感染力強，客軍必大踢熱血足球抗敵；車仔近5主場本土戰均開「半場細」，好路要追！

（有線301及201台周日晚10時直播）
護級搶分負隅頑抗

迪肯尼奧無論於球員或領隊時代，都超有領袖魅力；佢喺2011年執起英乙史雲頓教鞭，當季就升班，並周時以弱勝強，無論球員同球迷都好擁護佢。依家新特蘭護級水浸眼眉，領導層怒炒名帥奧尼爾，請來迪肯尼奧打護級戰，就係睇中迪帥夠癲夠喪，能即時激起球員鬥志。

目前「黑貓」僅離降班區1分，聯賽只餘7仗搶分，迪帥領軍首仗就要「撞車」，其實更啱球隊發揮。「黑貓」於射手史提芬費查、隊長卡達莫等主力缺陣下，必專心死守求不失，飛沙劈石波到人到，逼到對手有氣冇碇抖。於「黑貓」拚命反抗下，相信半場難有大手交收。
三線作戰焗玩輪換

車仔去到季尾仍要3線作戰，早前足總盃淘汰曼聯、歐霸盃8強首回合又贏波，未來賽程勁頻密，到5月前分分鐘仲有7場波要踢。領隊賓尼迪斯係算死草，今場對手唔強，相信佢又會玩陣容輪換，上仗梅開二度嘅費蘭度托利斯或只列後備，用丹巴巴亞打箭頭，另外加利卡希爾同艾殊利高爾雖因傷齊齊缺陣，但面對攻力一般嘅新特蘭，問題應該不大。

車路士目前打法四平八穩，於聯賽同本土盃賽，喺主場都鍾意睇定嚟食，近5仗都開「半場細」，相信今戰都唔例外，1.57倍分頭咪嫌少啦！