燕豪芬追分數爆威廉二世

猪拉多纳

阿King今日集中講荷甲，燕豪芬對上四場作客聯賽皆失分，爭標形勢現已落後阿積士，難得今輪遇上包尾大幡威廉二世，勢必打場漂亮勝仗吐烏氣，1.51倍「讓球客勝」咪嫌少。

（now 639周日凌晨2時45分直播）

燕豪芬踏入二○一三年表現有點反覆，除咗曾經主場爆冷輸畀施禾利，近四場作客聯賽亦全部失分，成為被阿積士趕過嘅主要原因，如果佢哋仲想問鼎聯賽錦標，今周作客威廉二世絕對再冇失分空間。比利時國腳梅頓斯今仗停賽，但謝明蘭斯、韋拿杜姆、馬達夫斯等主力可悉數列陣，攻力依然有保證。威廉二世近十次對賽全部輸晒，實力擺明未夠班，輸兩粒好正路。
維迪斯吼「讓球和」

另外兩關心水，維迪斯主場對NAC，維迪斯六連勝愈贏愈有，韋菲特邦尼、夏雲拿入球停不了，不過NAC近三場作客不敗亦好硬淨，相信主隊小勝機會高，主W只得1.33倍冇肉食，建議捧「讓球和」。

最後施禾利主場鬥華域克，兩軍仍要搶分護級，施禾利主場聯賽三連勝，華域克上周亦大勝海牙四比○，彼此信心均處高點，隨時出現鬥攻場面，捧大啱數。