諾域治史雲斯和味濃

猪拉多纳

英超諾域治主場對史雲斯，度士先同大家交代吓積分榜形勢先。現時諾域治離開降班區域有4分，好彩嘅係仲有幾支球隊墊住，例如紐卡素及新特蘭等，所以話「金絲雀」係有降班威脅，但未至於水浸眼眉。史雲斯喺積分榜中游徘徊，爭勝決心不足，今場作客又要再打折扣。兩支球隊都缺乏明確目標，今場唔容易分出高低。結合主客場表現以及球員質素，今仗可謂「五五之爭」，和波超過3倍不妨一試。

（有線301及201台周六晚10時直播）
「金絲雀」和波專家

諾域治係今季英超其中一支和波專家，聯賽和波比率超過四成，今場對住史雲斯隨時又開和波。之前已經提及過積分榜形勢，諾域治仍有少許抖氣空間，所以今場打和攞1分對佢哋嚟講可以接受。對手史雲斯近三場聯賽都踢唔出預期水準，似乎球隊已經滿足於現狀，度士睇唔出客隊有非勝不可嘅決心。事實上今場有些少風流波味道，和波確係唔錯嘅選擇，鍾意玩波膽嘅朋友不妨拖多注1比1。