馬拉加「大」戰蜜蜂陣

猪拉多纳

攻強守弱主場有料到

今晚歐聯8強另一場好戲，馬拉加喺主場迎戰多蒙特。馬拉加今屆表現穩定，主場更加係打高一班波，入到8強絕對唔係靠運氣，不過今晚對手多蒙特都唔嘢小，加上馬拉加幾日後西甲又有場關乎下屆歐聯席位嘅6分波大戰，有後顧之憂表現難料，倒不如向入球大細埋手。既然兩軍嘅火力有番咁上下，防守又間唔中出現甩漏，一於推介2倍入球大等睇入球騷啦！

（有線62及202周四凌晨2:45直播）
新星艾斯高入楔力強

馬拉加今屆歐聯主場未嘗一敗，16強次回合主場更嚟個絕地反擊，兩球淨勝波圖晉級，可見主場確實有唔錯威力。前線無論係用沙維奧拿、巴迪斯達定辛達告魯斯都有一定威脅，加上中場當紮新星艾斯高，老將祖亞昆嘅後上支援，要攞到士哥唔係難事。講到後防，門將韋利卡巴尼路今季經常有表現機會，證明後防線存在嘅漏動都唔少，今場想保持清白之身唔係咁易。
羅拔仔3場入4球腳風順

「蜜蜂仔」多蒙特喺分組賽力壓曼城成功出線，16強輕描淡寫擊退火力唔曳嘅薩克達，展示出不俗嘅戰鬥力。多蒙特一向反擊快、機動性強，今晚作客相信教練高普會先部署好防守，再打突擊去撕破馬拉加防線。事實上箭頭羅拔利雲度夫斯基近3場入咗4球，狀態大好，加埋馬里奧葛斯同馬高列奧斯嘅入楔，大有機會取得重要作客入球，2倍入球大絕對係張峰心水之選。
馬拉加歐聯慣先入波

‧多蒙特近6場歐聯5場開大。

‧馬拉加今屆10場歐聯8次開出「第一隊入球」。

‧多蒙特過往9次對西班牙球隊取得1勝3和5負成績。
多蒙特半場「大」晒值博

多蒙特無論係分組賽作客鬥皇馬、阿積士，定係16強作客薩克達，全部開晒入球大不特止，就連「半場大」都搞掂埋，今晚「半場大」有成2.83倍，值博！另外，馬拉加除咗16強首回合輸畀波圖同分組賽作客打和彭拿典奈高斯，其餘8場歐聯都係先入波嗰隊，馬拉加2.45倍嘅「第一隊入球」同樣值得留意。