凱沙強兵復出顯辛手

猪拉多纳

今晚Alwin同大家研究德乙，首選場次係辛特侯遜主場對凱沙羅頓。主隊排緊尾二要護級，只可惜傷兵滿營有半隊波唔踢得，戰鬥力弱上加弱，遇上終於擺脫傷兵問題困擾嘅超班勁旅凱沙羅頓唔夠踢，客軍讓半一撐上盤。

（周日晚7時30分開賽）

凱沙今季由德甲降落德乙，但會方反而仲大力擴軍，令佢哋組成德乙五星級陣容，對下季回升德甲志在必得，不過較早前受到嚴重傷停問題困擾，自去年底至本月初都陷入低潮，不過佢哋嘅傷兵問題已成過去，今仗連一對前史浩克04中場鮑祖漢同艾沙奧治都可以復出，陣容回復完整。
辛特侯遜傷兵滿營

凱沙近期戰績亦明顯復甦，前仗作客賽和榜首布倫瑞克，上仗主場大炒恩高斯達特3比0，一雙星級箭頭賓查古同艾迪素包辦晒3個入球，佢兩個今季入球都已經達到雙位數，火力喺德乙確實超群。球隊目前排聯賽榜第3，已經落後次名嘅哈化柏林12分，但會方仍然未放棄爭取直接升班資格，餘下每場波都當決賽踢，今晚遇弱旅已下必殺令，佢哋喺國際賽空檔期並冇偷懶，約戰1860慕尼黑拍跳仲喺中立場大炒對手4比1，備戰認真積極。

辛特侯遜級數同兵源都無法同凱沙羅頓相比，首循環作客就輸過1比3。佢哋近期狀態低沉，近5場聯賽輸咗3仗，唯一勝仗係對包尾嘅魚腩部隊雷根斯堡，今仗仲繼續受到嚴重傷兵問題折磨，有7名常規球員無緣披甲，包括主力中場尼高高路斯、杜亭同後防大將法比奧摩連拿，就算主場都冇本錢同凱沙抗衡。
Alwin推介：

凱沙羅頓上盤 ★★★★

格雷特霍夫大 ★★★★

科隆讓球主勝 ★★★