珀斯半場和抵博

猪拉多纳

阿德留力季後賽

今日珀斯光輝喺主場迎戰阿德萊德聯，除咗係澳職獨腳戲，仲係最後一個季後賽席位爭奪戰，不過隨住紐卡素噴射機尋日輸波，形勢亦逐漸明朗化，光輝呢場只要唔輸就肯定躋身前6，咁嘅情況1.6倍主勝隨時變陷阱，2.25倍「半場和」仲抵博。

（有線64周六晚6:45直播）
珀斯爭1分入季後賽

珀斯光輝原本同FC悉尼、紐卡素噴射機爭最後嗰張季後賽入場券，但後兩者喺日前分別輸波後，光輝依家只係以1分差距落後畀第6位嘅FC悉尼，不過得失球差就有成8球嘅優勢，換言之光輝和波就肯定有得玩季後賽。陣容方面，中場核心積及般斯停賽復出，後衞伊雲貝加同特威迪幾件「袋鼠兵」歸隊，但當家射手史美斯養傷令鋒力減弱，相信佢哋會選擇專注防守。

另邊廂，阿德萊德聯除咗袋鼠門將加利高域歸隊，中場拍檔奧沙麥馬歷同卡路斯卡亦都傷愈，不過佢哋已經確定躋身季後賽，今場隨時收韁唔去，等班主力抖吓先再搏殺。光輝守勢波、阿德玩留力，咁樣「半場和」仲唔係依絲執！