玻利維亞高原主場恰阿根廷

猪拉多纳

南美球會賽事向來唔易搞，但去到國際賽就有啲唔同，不時都會搵到好嘢，多個擁有高原主場嘅國家喺自己地頭特別勁，最具代表性嘅梗係玻利維亞，呢班波主強客弱，今輪主場鬥名牌國家隊阿根廷受讓着數，要下盤！

（周三凌晨4時開賽）

玻利維亞上場作客哥倫比亞淨吞五蛋，打真軍絕對唔會輸到咁，唯一合理解釋係佢哋冇去盡，留番主場先搏殺。玻利維亞高原主場威力驚人，阿根廷上次作客玻利維亞就大敗一比六，之前幾次作客亦都贏唔到，絕非偶一為之。呢場阿根廷頂盡讓半球，讓半一真係多咗，下盤抵玩！
委內瑞拉博下盤

同日另一場外圍賽心水係委內瑞拉主場對哥倫比亞，哥倫比亞已成南美名牌，預咗場場扯飛，今次作客一樣要讓平半至半球。哥倫比亞上場確係贏得精彩，但玻利維亞作客一向曳，所以唔好睇得哥國太高。委內瑞拉主場水準穩定，受讓可博下盤。