熱捧加納1.68倍「讓主」

猪拉多纳

唔派員接待 玩謝蘇丹球員

年頭踢非國盃得個第4，加納嚟緊嘅目標，當然係要做番齣好戲進軍2014世界盃決賽周啦！佢哋今晚會喺非洲區D組外圍賽主場恭候蘇丹，呢粒「黑星」都算黑心嘞，賽前度好晒計仔玩謝蘇丹班職球員，今鋪隨時數到疲兵蘇丹開花都似，1.68倍「讓主」趁熱食。

（開賽時間：周一凌晨0:00）

蘇丹大軍前日由喀土穆出發，經埃及開羅然後飛抵加納首都阿克拉，飛咗8粒鐘已經夠攰。估唔到加納咁毒，竟然唔派足總官員接待，由得佢哋自生自滅，搞到蘇丹班職球員喺科托卡國際機場呆等個半鐘。雖然之後有駐加納嘅蘇丹大使出手相救，奈何蘇丹入住嘅酒店係禁止大巴駛入嘅，一班國腳要分批輪流坐同一架7人車先去到酒店食Lunch，未開波都謝晒啦！
蘇丹唔齊腳兼舟車勞頓

「部署十足」嘅加納目前喺D組位列次席，今仗為咗做瓜蘇丹，特別封咗個勁乾旱嘅巴巴耶拉運動場成個月鋪番靚啲草皮，領隊艾比亞更加重召咗弗爆中場蒙達利同首次徵召富咸防中費林邦入伍，精銳盡出兼使晒橫手，要大勝有中場巴基治同前鋒加里卡兩位主力因傷退隊嘅蘇丹，照計冇乜難度啫！

非洲區D組