卡昂博反彈回師主場尼料

猪拉多纳

今日阿King精挑細選，誠意推介「主勝王」卡昂於福地止跌回升，輕鬆攞晒三分。法乙卡昂主場迎戰伊斯特尼斯，佢哋雖兩戰不勝，但兩場都作客出擊；事實上球隊本季聯賽主勝率近七成，係得勝率最高球隊，伊軍零攻力曳到極，捧主W！

（周一凌晨3時30分開賽）
伊斯特尼斯攻力疲弱

目前卡昂能排於前列，主場夠惡係關鍵，呢班波經過季初低潮後，由十一月開始順風順水，喺自己地頭愈踢愈有信心，近九次主場出征錄七勝二負，其中一場輸波係不敵甲組聖伊天，反映卡昂水準穩定。卡昂目前排第四，絕對有力殺入前三升班，今場遇弱又點會留手？伊斯特尼斯同卡昂相反，季初攞攞埋埋唔少分數，去到近期就散得七七八八，近九場入得一球咁大把，今場以卵擊石輸少當贏。

英甲燦美爾主場對史提芬納治，史軍剛炒教練，要搵隊長麥克羅拔斯頂埋看守教練個位，班波立立亂捧主W。美職芝加哥火燄主場對美國芝華士，主隊本季聯賽都未開齋，芝華士作客亦缺攻力，捧細盤。