錫菲聯打真軍主Ｗ酬賓

猪拉多纳

周末晚如常有英甲賽事舉行，其中一場重心戲碼為錫菲聯主場對賓福特，兩支球隊仍有機會爭取直接升班，今場肯定爭崩頭。留意到錫菲聯已連續兩場聯賽贏唔到，某程度上已經冇晒失分空間，阿King預料錫菲聯會盡全力以打破不勝困局，主W超過2倍相當抵玩。

（周六晚8時45分開賽）

錫菲聯連續兩場冇入球交出，論近況其實及唔上賓福特，但見主W賠率一樣偏低，證明操盤手仍然對錫菲聯有信心。事實上，錫菲聯於二月初曾連贏多場，球員狀態可謂相當勇銳。經過整整一個月衝殺搶分之後，本月稍稍回落可以理解。基於今場面對同級球隊賓福特，錫菲聯肯定會「的」起心肝比賽，唔敢再懶懶閒。賓福特兩連勝係事實，不過說服力就唔多夠，特別係上輪對戰普雷斯頓，如非補時階段普雷斯頓輸個十二碼，賓福特未必贏到，所以今場宜捧主W。
樸茅冇鬥心捧高地

較後時間舉行有樸茨茅夫主場對高雲地利，客W有望開出；高雲地利係英甲其中一支作客王，聯賽客勝率接近六成。樸茨茅夫今季已打定輸數，對護級未必有太大期望，鬥志不足今場揀客W。