不列顛打吡 撐威爾斯

猪拉多纳

加里夫巴利玩死蘇格蘭

世界盃分組賽又開打，阿King梗係搵到好嘢喇！其中「不列顛打吡」蘇格蘭主場撼威爾斯，雙方對彼此打法熟晒路，而且大家由於喺分組賽墊底，今場肯定踢到飛沙劈石！主隊攻力曳大將冇態，威爾斯打一個加里夫巴利都夠，受讓好路！

（周六凌晨4時開賽）

呢場歐洲區A組賽事，雙方陣中有好多球員都來自英超同英冠，彼此踢法、球風相差無幾，所以今仗勝負關鍵取決於球員個人技術同狀態。蘇格蘭雖有史提芬費查壓陣，但中場大腦查理阿當冇態，隊長費查又冇入選，人腳唔齊好蝕章。相反威爾斯後防有「史雲斯孖寶」艾殊利威廉斯同賓戴維斯助陣，中場有艾朗藍斯領軍，加埋加里夫巴利，整體實力比對手猶有過之，今戰受讓值捧。呢場勝負關係重大，守嚟冇意思，大盤亦值得留意。
墨國讓唔起洪都拉斯

再睇兩場中北美區世盃外圍賽，墨西哥作客洪都拉斯，客軍狀態一般，近四次造訪洪國輸晒，讓波寧捧「讓球主勝」。美國主場撼哥斯達黎加，主隊冇當路雲，而丹普西又缺態，捧受讓嘅哥軍。