銀河炒起希雷迪亞洛

猪拉多纳

周中盃賽多，美職洛杉磯銀河將出戰中冠盃8強賽，對手係來自哥斯達黎加嘅希雷迪亞洛。首回合銀河作客與對手打和○比○，今次主客互調勢必利好銀河，料主隊可以輕取對手，「讓球主勝」開出機會較高。

（周四早上10時開賽）

冇咗碧咸嘅銀河於美職開鑼日即交出好表現，以四比○大炒芝加哥火燄，及後遠征哥斯達黎加都唔失禮，對住希雷迪亞洛能夠保持不失。從兩場正式比賽顯示球員狀態不俗，今場必把握主場優勢向希雷迪亞洛施壓。縱然當路雲要到本月尾先至歸隊，但愛爾蘭前鋒羅比堅尼可如期上陣，攻力應有保證。從巴甲聖保羅來投嘅祖連奴以及意大利門將古迪仙尼都好有質素，亦有助洛杉磯銀河爭勝。
侯斯頓戴拿模作客吼大

較早時間舉行仲有墨西哥拿根亞主場對侯斯頓戴拿模，今場可捧大盤。首回合侯斯頓戴拿模喺主場以一球領先，迫使拿根亞喺次回合一定要狂攻求反勝，拿根亞今場踢法會極之進取，對於開大有刺激作用。