加拉塔沙雷「+1」掃克

猪拉多纳

杜奧巴衝鋒搶8強入場券

歐聯16強次回合，史浩克04主場對加拉塔沙雷，史軍首回合作客逼和1比1，以為形勢大好，但人算不如天算，首席射手亨特拉爾上仗聯賽受傷，起碼抖三周，教練贊斯基拿或被迫排出「無鋒陣」應戰。加上中場硬漢鍾斯停賽，痛失一攻一守主將，唔好話要贏，連保不敗都難，試問點讓得起有杜奧巴擔大旗嘅加拉塔沙雷，力撐2.25倍「讓球客勝」。

（有線62及202台周三凌晨3時45分直播）

歐聯前夕，理應畀主力喺聯賽休戰，但贊斯基拿上仗德甲仍然派強陣鬥多蒙特，呢位由青年軍提升上來嘅42歲少帥用兵策略令人質疑，亦反映球隊兵源有限。球員經過連番惡鬥後，難免出現疲態及傷患，史浩克今次唔好彩傷咗亨特拉爾，陣中缺少具級數射手代替，想入波就要靠法芬及達斯拿等後上殺手，威脅力難免打折扣。首回合為史浩克射入扳平一球嘅鍾斯今仗停賽，都咪話唔擇使。
史浩克唔齊腳難發惡

除咗鋒線力量受削之外，由於史浩克有一粒作客入球在手，今仗打和0比0都可以晉級，或會促使贊斯基拿採取穩陣戰術。史浩克喺唔需要贏嘅情況下讓波，捧場價值相當低。

至於加拉塔沙雷心態上肯定比較進取，希望盡快入波，事實上佢哋首回合製造唔少入波良機，杜奧巴風采依然，最重要係佢經過近幾場同隊友磨合後，默契同狀態應會進一步提升。配合史奈達支援，有呢兩位曾捧過歐聯冠軍嘅大將助陣，佢哋嘅豐富經驗，必定可以喺今場關鍵時刻發揮作用。加拉塔沙雷「讓球客勝」2.25倍固然抵玩，可以博埋4.8倍客Ｗ。
出線條件

史浩克04

贏波

和0:0

和1:1，需要加時分勝負

加拉塔沙雷

贏波

和1:1，需要加時分勝負

和2:2或更大比數和波