利雲特留力益晒基達菲

猪拉多纳

雖然話歐聯16強淘汰賽重要性相當之大，但其實兩回合賽事係相隔3個星期，唔算太過吃力，反觀歐霸盃係要由32強開始踢起，為咗追貼歐聯進度，32強到16強嘅4場兩回合制比賽，要喺5個周中內完成，有心爭盃嘅參戰球隊，聯賽戰績必受拖累，特別係班底唔厚嘅中小型班，影響就最為明顯。

就好似西甲嘅利雲特，由於一眾防線主力都一把年紀，要應付埋歐霸盃16強戰線，近5場西甲未贏過亦在所不惜，今晚對住近5場聯賽4勝嘅基達菲，仲要讓平半就梗係捧下盤。

（now632台周一凌晨0:00直播）
賓菲加防線硬淨吼入球細

至於同樣殺到入歐霸盃16強嘅葡超勁旅賓菲加，雖然班底夠應付兩條戰線，但由於首回合只係僅勝波爾多1:0，出線形勢未算樂觀，為留力周中次回合賽事，今晚聯賽主場迎戰基維辛迪肯定有所保留，好彩賓菲加防線夠硬淨，近7戰只係失過1球，今場不妨考慮2.55倍入球細。

（開賽時間：周一凌晨4:15）