新帥輸經驗川迪難有作維

猪拉多纳

荷甲川迪自從踏入2013年後聯賽7戰不勝，雖然球會決定提升助教舒魯達頂替離隊嘅麥卡倫，但呢位少帥以往做慣老二，首次坐正仲未知道有幾多斤兩，今晚主場迎戰異軍突起嘅維迪斯唔易踢，讓球主客和川迪讓1球，波童捧「讓球客勝」。

（now 639周日晚11時30分直播）
維迪斯客勝率達6成

麥卡倫離隊，川迪押注在40歲嘅副練舒魯達身上，不過舒魯達執教經驗淺，加上對手維迪斯自從射手韋菲特邦尼回歸後已重上正軌，近4場聯賽3勝1和，有力挑戰下季歐聯賽資格。維迪斯今季12場作客贏8場，勝率逾60%，只要發揮水準有力全身而退，「讓球客勝」捧得過。
阿積士炒得起施禾利

另一場直播賽事阿積士主場鬥施禾利，施禾利歇冬後首戰曾作客爆冷擊敗燕豪芬，但對上兩場作客輸波已打回原形。阿積士於歐洲賽畢業後可專注聯賽爭標，相信佢哋喺主場炒得起對手，捧「讓球主勝」。

（now 639周日晚9時30分直播）