烏德勒支肉緊大報復

猪拉多纳

荷甲烏德勒支主場對華域克，兩支球隊演出都幾反覆，烏德勒支近期大踢開放足球，歇冬後喺主場踢咗7仗，當中5場開出大盤，其餘兩仗都有兩個總入球，今仗遇上首循環曾經大炒佢哋4粒嘅華域克，教練禾達斯賽前好肉緊，堅稱今仗會大舉搶攻求復仇，Macot推介1.83倍大盤。

（周日晚9時30分開賽）

烏德勒支演出大起大落，前線有弗爆贊比亞射手梅倫加，但防線喺荷甲只係中下游水準，所以當佢哋有貨交嗰陣可以作客贏川迪4比2同主場大炒洛達4蛋，但踢得唔好嘅時候又可以主場吞奈梅亨3蛋，佢哋上輪輸完畀維迪斯，賽後谷盡備戰咗成個禮拜等華域克光臨，今晚必然搏甩髀。

華域克上輪贏咗阿爾克馬爾士氣大振，防線不濟係冇得救嘅死症，佢哋近10次作客烏德勒支全敗，當中有8場開出大盤，Macot認為首循環嘅大勝只會令佢哋今仗死得更慘。

Macot推介：

烏德勒支大★★★★

漢堡下盤★★★

維迪斯讓球勝★★★