魔鬼賽程玩謝基爾禾

猪拉多纳

意甲基爾禾主場對拿玻里，雙方近況都唔理想，不過拿玻里爭霸已冇失分空間，難得對手係狀態奇差兼畀魔鬼賽程玩謝咗嘅基爾禾，客軍有力全取三分，Ali推介1.9倍客Ｗ。（周日晚10時開賽）

基爾禾由二月開始未好過，近5場聯賽只得1分，教練哥連尼堅持用「532」陣式唔work，受到各界批評，不過佢仍然冇打算改變，球隊最慘係身陷魔鬼賽程，較早前先後遭祖雲達斯、國際米蘭同費倫天拿輪流劏，今晚對完次席嘅拿玻里，稍後仲要惡戰AC米蘭，所有強隊都要喺短期內對晒，頻頻輸波對球隊士氣構成嚴重打擊，佢哋上仗主場面對弱旅巴勒莫都冇本事贏波，今晚遇強更加凶多吉少。

拿玻里近期喺聯賽亦4連和失分甚多，不過對手全部都係實力分子，上仗榜首戰賽和祖雲達斯形勢一啲都唔曳，今晚終於遇上弱勢對手，當然唔會放過追近榜首機會。

Ali推介：

拿玻里勝★★★★

國際米蘭大★★★★

森多利亞讓球勝★★★