賓菲加勞碌命起細貪

猪拉多纳

賓菲加今季生成勞碌命，之前踢葡聯盃已經耗費唔少氣力，近期葡超同歐霸兩線作戰，教頭謝素斯兩項賽事都想兼得，惟有盡可能分配資源，每場賽事都安排不同時段畀主力輪流休息，務求以最慳力方式贏得最多比賽，今晚佢哋喺葡超主場迎戰基維辛迪，會貫徹近期贏到就得嘅方針，相信入波一球起兩球止，球隊防線超穩陣唔易失波，入球細有2.55倍好賠率值得再追一次。

（周一凌晨4時15分開賽）
要贏基維辛迪又要慳力

賓菲加近兩季喺葡超都屈居波圖之下，今季兩隊一樣鬥得難分難解，近幾輪賽事一直維持同分，難得波圖上輪作客士砵亭贏唔到，賓菲加今晚只要全取三分，就可以領先死敵，今場當然不容有失，不過佢哋正分心歐霸盃16強賽事，三日前首回合主場小勝法國波爾多1比0，踢完今仗四日後又要作客法國，真係疲於奔命。

葡超球隊向來熱衷歐霸盃，前季波圖同布拉加包辦冠亞軍，當屆賓菲加亦成為三支打入四強嘅葡超球隊之一，上屆士砵亭亦殺入四強，如今賓菲加成為今屆歐霸盃嘅葡超獨苗，當然希望繼續闖關，所以現階段冇一場比賽可以放鬆。佢哋近期奉行1比0政策，上輪作客亦係一球小勝比拉馬，今仗一樣會贏咗就算，基於球隊防線夠晒穩陣，近7場正式賽事合共只失1球，相信近3場作客賽事零入球嘅基維辛迪好難入佢哋波。
比拉馬作客有權爆冷

此外，同日費利拿主場對比拉馬值得博冷，今季神奇球隊費利拿，近期戰績同演出都有回落迹象，相反比拉馬上輪只因上半場失咗一個12碼，0比1僅負賓菲加，但全場形勢不落下風，記得上季比拉馬作客曾以3比0大炒費利拿，今場賠率懸殊得唔合理，比拉馬2.35倍「讓球客勝」甚至5.7倍客Ｗ都有一博價值。

OOO推介：

賓菲加細 ★★★

摩里倫斯勝 ★★★

比拉馬讓球勝 ★★★