奧紐精華遊和風「細」吹

猪拉多纳

德甲獨腳戲奧格斯堡主場對紐倫堡，雙方實力接近，而且近況同士氣都處於高峰，不過兩軍中前場都有關鍵人物缺陣，今仗預期係拉鋸戰，入波唔會多，細盤係投X首選，若嫌得1.59倍冇肉食，可以小敲3.1倍和波。

（有線64及203台周六凌晨3時30分直播）

德甲獨腳戲奧格斯堡主場對紐倫堡，雙方實力接近，而且近況同士氣都處於高峰，不過兩軍中前場都有關鍵人物缺陣，今仗預期係拉鋸戰，入波唔會多，細盤係投X首選，若嫌得1.59倍冇肉食，可以小敲3.1倍和波。

（有線64及203台周六凌晨3時30分直播）
奧格斯堡中場領袖停賽

奧格斯堡排緊尾三要護級，不過呢班波近期表現極之爭氣，近8場聯賽3勝4和共搶得13分，只係作客僅敗於利華古遜，尤其近兩仗先後殺敗賀芬咸同雲達不來梅，令護級重現曙光。目前佢哋領先尾二嘅賀芬咸5分，不過賀芬咸聽晚會對包尾嘅格雷特霍夫，有機會拉近差距，奧格斯堡當然唔可以放鬆。球隊近期防線演出大有改善，箭頭摩達斯、南韓孖寶具滋哲同池東沅亦處於佳態，主場出擊有信心搶分，不過今季踢足24場聯賽嘅10號仔丹尼爾拜亞累積5黃牌要停賽，佢係球隊今季表現最出色嘅中場領袖，少咗佢對組織能力影響好大，何況奧格斯堡一向擅長打反擊，面對唔會主動出擊嘅紐倫堡，要爭取入球難度大增。
紐倫堡牛皮糖難咬得入

紐倫堡近期亦處於佳態，聯賽5輪不敗，不過近4場都只係和波，球隊欠缺進取心，不過卻係牛皮糖唔係咁易咬得入。紐倫堡目前已領先奧格斯堡7分，護級形勢佔優，今場唔輸已經達到目的，當然以穩為先，何況首席射手普爾達亦累積5面黃牌要停賽，加上中場領軍嘅謝赫特繼續養傷，數胡能力有限。再睇兩軍近5次碰頭全開細盤，近兩度交鋒都係0比0悶和收場，今晚一於再追細盤同和波。