冇乜邊隊讓得起曼聯

猪拉多纳

今場歐聯賽事曼聯決戰皇馬備受矚目，甚至有行家形容為冠軍前哨戰，呢場波絕對係夢幻對決，若果係冠軍戰，絕對有條件成為史上最高投X額嘅賽事。初盤大部分莊家開平手盤，皇馬較為低水，但隨住佢哋連續兩場砌低巴塞後，個個都轉晒皇馬讓平半盤，部分仲開到讓半球低水，全面睇好呢支西班牙班霸。

當出現呢類盤口調整，往往會引來好多跟風客，呢班友一見到落飛或者轉盤就會二仔底死跟，缺乏獨立分析，呢種態度真係唔要得。去到呢類超級大戰，變數多到不得了，撇開個盤分析場波，「紅魔鬼」喺主場惡到暈，冇乜邊隊有本錢讓佢哋，依家個盤抵玩到咁，呢隻下盤梗係博得過啦，兼顧埋大盤，博雙殺！
蘇拿撐起屈福特

英冠屈福特主場對錫周三，「屈仔」係英冠攻力最強球隊，教頭蘇拿真係有料o架，好多行家都睇好佢哋可以上英超！屈福特依家爭緊升班，近排個勢好銳，今次對手唔算強，有力大勝一場，一於玩大盤啦！