噴射機受讓抵玩

猪拉多纳

勝利大敗未回魂

周日澳職焦點賽事為墨爾本勝利主場對紐卡素噴射機，墨爾本勝利近況都幾差，睇嚟球員狀態已經重高處滑落。相反紐卡素噴射機近期成功反彈，就算作客都有力威脅到墨爾本勝利，今場主隊勝利要讓半一，噴射機下盤相當抵玩。

（有線64及204台周日下午2時直播）

墨爾本勝利連輸三場，當中輸得最慘就係上輪聯賽以二比六不敵中岸水手。雖然話近期所遇到嘅對手實力幾強，但要單場失夠六粒並唔常見。當然，有時輸波未必係壞事，反可激發起球員鬥志，但墨爾本勝利實在傷得太深，短時間之內難以平復心情，估計球員有失去自信情況出現，要扭轉劣勢談可容易。
噴射機近3仗不敗

相反，紐卡素噴射機正穩步上揚，現已殺上聯賽榜第五位，為保季後賽資格，今場當然會以全取3分為目標。最令球迷捧得安心係球隊有良好近績支持，今場可望將近3場不敗紀錄延長。

考慮到兩隊近況之後，墨爾本勝利讓到半一實在嫌多，即使噴射機收起前英格蘭國腳希斯基，今場開出下盤機會仍較高。