水手「1Top」鬥比馬 神奈川打吡守「細」波

猪拉多纳

日職開鑼日爆發「神奈川打吡戰」，橫濱水手聽日喺主場對湘南比馬，玩入球細最實際。經過連串熱身賽，水手教練樋口靖洋同隊長中村俊輔發現放棄雙箭頭陣式，用番慣常嘅「1Top」（單箭頭）最實際，唔似大炒格要玩細。
水手唔進取馬昆奴斯單箭頭

今季水手有前鋒大黑將志去咗中超出國搵食，新加盟有千葉市原前鋒藤田祥史，不過佢喺熱身賽表現普通，據講水手已經決定用番4231，安排36歲射手馬昆奴斯打單箭頭。要知道水手係上季日職防守力最強球隊，踢法唔算進取，又好難攻得入，既然諗住食老本放棄加強火力，今場當然玩細着數。

對家比馬以日乙亞軍身份重返日職，但陣容睇落冇乜分別，最巴閉嘅中場馬場賢治上季有9個聯賽入球，其餘攻擊球員基本上冇料到。至於新簽嘅蒙通聯射手艾華度馬田斯，更加有冇正選踢都未知，對住水手嘅銅牆鐵壁隨時食白果。不過咁，呢場始終係打吡戰，比馬唔會任數，玩入球細最正路。
（六）6 •橫濱水手 Vs 湘南比馬•

（開賽時間：周六下午1:00）

推介：入球細