艾加拉法有名無實撐吉達

猪拉多纳

亞冠盃今晚嘅直播戲碼有浦項制鐵主場迎戰FC北京，用街頭智慧推斷，毫無疑問係撐韓職球隊，不過東亞區參戰球隊除中岸水手之外，全部都仲未開咧，狀態始終成疑，1.52倍主W係值得捧場，但唔算係重心。

反觀西亞戰線方面，雖然球隊普遍陌生，但由於已經步入季中，狀態比較易掌握，最緊要始終係巨星如雲，好似艾雷恩就有前巴西國腳尼爾馬壓陣，艾阿恩就有加納箭頭基恩數胡，比東亞戰區更有親切感。
卡塔爾兵上屆亞冠盃早出局

睇番上屆，伊朗及沙特各3隊都晉級，反觀卡塔爾3隊都出局，可視為今屆藍本。卡塔爾嘅艾加拉法今年羅致前PSG中場利尼，以及QPR射手施斯，惟聯賽卻5戰不勝，主帥比連亦辭職，今晚作客上屆亞軍嘅沙特代表吉達艾阿里，撐2.2倍「讓球主勝」。

（開賽時間：周四凌晨1:30）
足球重心：吉達艾阿里、沙巴罕（讓球主勝）

馬膽推介：5場（5）威威具星

近期改以主動跑法後愈贏愈易，跑馬地起家嘅馬近期轉戰田草都攞兩W，今次回師谷草，乘勇有望爭取4連勝。