格雷特霍夫殘陣醒利華

猪拉多纳

德甲降班膽換帥都嘥氣

德甲尾場格雷特霍夫主場對利華古遜，聯賽墊底嘅格雷特霍夫啱啱炒咗帶領球隊升班嘅教頭佩斯堅斯，不過Alwin認為會方呢個決定不足以拯救球隊，因為佢哋根本未夠班喺德甲比賽，利華古遜啱啱喺歐霸出局但贏盡讚賞，兩軍級數有明顯差距，利華古遜作客讓半一照捧上盤。

（有線61及64台周一凌晨零時30分直播）

佩斯堅斯自2009年帶領格雷特霍夫後貢獻良多，佢銳意將球隊年輕化令全隊充滿朝氣，而且勇於踢進攻足球，上季終於達成升上德甲宏願，不過球隊限於財力同經驗，面對德甲列強完全冇得揮，至今踢咗22輪聯賽只得12分排包尾，落後護級安全線達14分，而且攻擊力同主場成績都最差，至今總入球只得13個，踢咗11場主場賽事更衰到3和8負仲未開齋，佩斯堅斯最終成為犧牲品。格雷特霍夫目前仍未搵到合適新帥，今仗會由U23教練佩伊斯臨時頂上，同球會經理舒路達共同領軍。
年紀太輕兩將停賽

格雷特霍夫目前最大問題係太過年輕，以上仗作客0比1不敵杜塞爾多夫嘅正選陣容計，平均年齡只得23.6歲，雖然喺歇冬期加盟嘅19歲加納左翼衞艾度巴巴喺較早前作客贏史浩克一役表現出色，同秘魯名將法芬對抗不落下風，但呢啲小亮點對整體戰鬥力幫助始終有限，今仗佢哋仲要殘陣出擊，防線主力尼域同新加盟嘅匈牙利中場祖斯夫華加都要停賽，中場兩大主力斯特拿同艾加派比都受傷患困擾，上陣機會好唔樂觀，整體戰鬥力進一步削弱。
利華歐霸含冤出局一肚氣

利華古遜啱啱喺歐霸盃出局，但對賓菲加嘅兩回合賽事表現都比對手出色，3日前作客之役上半場兩度中柱，加上傑斯寧嘅合法入球被誤判越位，咁樣出局真係一肚氣，今晚強陣出擊當然要搵弱旅洩憤，Alwin相信利華可以輕鬆取勝。
Alwin 推介：

利華古遜上盤★★★★

AC米蘭上盤★★★★

布倫瑞克上盤★★★