帕爾馬恰卡坦尼亞作客差

猪拉多纳

意甲球隊AC米蘭喺歐聯爆冷砌低擂台躉巴塞隆拿，反映呢個聯賽水平已經逐步回升，佢哋啲球隊整體質素仍有待提升，但單睇戰術運用好鬼犀利，不時出現以弱勝強情況，不容忽視。今次肥叔都玩意甲，卡坦尼亞主強客弱，今次造訪帕爾馬受讓都信唔過，撐帕爾馬！

（周日晚10時開賽）

肥叔不嬲都鍾意卡坦尼亞，貪佢哋攤路易捉，主場捧、作客反，記住呢條方程式去玩，今季已經執到笑。卡坦尼亞上次主場出戰搏殺得手，臨場有大戶捧佢哋對家，結果呢班波都成功贏波贏盤，確係有料到。不過，卡軍作客經常走樣，不宜再追，帕爾馬經過連場失分，今次有機會贏番場。
森多利亞再下一城

同日另一場意甲森多利亞主場對基爾禾，森多近期喺主場踢到曉飛，對上兩次主場出擊全勝，包括搞掂名牌球隊羅馬，演出非常對辦，依家個勢都幾勁。森多今次面對基爾禾，論級數佢哋都係高啲，預期可以順利再下一城，讓半球係合理盤口，呢隻上盤亦可兼顧。

（周日晚7時30分開賽）