馬拉加強爆畢爾包壯行色

猪拉多纳

今晚西甲首場直播戲碼有馬拉加主場迎戰畢爾包，聯賽「四哥」馬拉加目前僅僅多第5嘅華倫西亞兩分，下屆嘅歐聯席位似乎要鬥到最後先知道花落誰家。張峰睇好馬拉加會為下周歐聯16強贏波壯聲威，一於推介2.85倍「讓球主勝」畀大家。

（now632台周日凌晨1:00直播）
畢爾包上仗主場都輸4球

馬拉加季初受財困影響，好在一班有質素球員好似祖亞昆、杜拿蘭、沙維奧拿等大打爭氣波，令戰績得以保持，應屆歐洲金童獎得主將伊斯高更入選大國腳，近期更受到車仔、曼城等豪門垂青。由於馬拉加已經有兩個月冇喺西甲主場贏波，實在好難同球迷交代喎！喺歐聯作客出戰波圖前夕，點都要贏番場好好睇睇壯行色啦！

畢爾包今季水準飄忽，再唔係上季淘汰曼聯嗰隊歐霸盃亞軍，論近況佢哋真係麻麻，上仗主場對愛斯賓奴縱然有較高嘅控球比率，但仍然以0:4慘敗，對士氣有一定影響。前線嘅阿度里斯近3仗都交白卷，後防亦不時出現漏洞，今晚對住沙維奧拿同伊斯高呢類靈活快速嘅球員，相信好難保持清白之身。