愛華頓隨時步紅軍後塵

猪拉多纳

默西賽德郡雙雄之一嘅利物浦，喺上圈英格蘭足總盃衰咗畀英甲仔奧咸，究竟同市嘅愛華頓會唔會步紅軍後麈呢？「拖肥糖」今晚作客奧咸，真係要小心啲呀！
莫耶斯最怕爛仔奧咸

愛華頓係中游球隊嘅典範，喺莫耶斯帶領下，呢班波幾乎每季都排喺第5至第10位之間，喺一個安全環境下「造星」賣錢，班主就最開心！家陣費蘭尼待價而沽，等佢踢埋呢季就可以賣個靚價，所以莫耶斯求神拜佛，呢隻金蛋最好冇傷冇病，今晚對住飛沙劈石嘅奧咸，隨時就住踢。

奧咸身為英超成立嘅22支元老球隊之一，好有江湖地位，而且奧咸陣中有唔少過氣英超球星，養精蓄銳兼爛打，結果爆冷淘汰紅軍，千祈咪睇小佢哋呀！