地膽喜伯年派利「士」

猪拉多纳

聽日凌晨蘇超有場獨腳戲，由喜伯年主場對聖莊士東。喜伯年防線穩固，前鋒利治格菲斯今仗又可候命搏殺，對住傷兵甚多又不擅作客嘅聖莊士東，有力贏波，2.38倍主勝認真抵玩。

（now638台周二凌晨3:30直播）
聖莊士東作客奇曳

喜伯年近3仗主場取得2勝1和佳績，手下敗將更包括班霸些路迪，可見佢哋嘅主場威力真係唔講得笑。最重要一點係，呢隊波防守出色，近6場比賽只失2球，強如些路迪到訪亦無力破門，更何況係聖莊士東？喜伯年領隊費朗賽前證實首席射手利治格菲斯可以上陣，呢位前鋒今季已經攻入15球，相信佢有能力射破聖莊士東大門，延續自己連續2場主場入波嘅紀錄。

對手聖莊士東近4場作客只得1和3負，表現差之餘仲一共失咗8球，實在好難令人對佢哋有信心。更大問題係佢哋今仗中後場有多人缺陣，好似中場謝美阿當斯、基斯米拿、守將加利米拿全部唔踢得，另一後衞史堤芬安達臣亦上陣成疑，即使紮住踢表現亦唔慌好，咁嘅陣容莫講話想喺喜伯年身上搶分，輸少啲都收貨啦，一於支持喜伯年全取3分。

beautiyu

{5):}{5):}