皇馬半場歎「細」界

猪拉多纳

留力歐聯hea鬥西維爾

今晚西甲壓軸尾場之一，由飄忽不定嘅皇家馬德里主場對西維爾。由於聯賽失地太多，皇馬將目標放喺歐聯同西班牙盃亦無可厚非，嚟緊周中歐聯大戰曼聯，教頭莫連奴今仗必有所保留，相反西維爾自換帥後重上正軌，倒戈射手尼格度又弗到漏，實拚盡同皇馬鍊過，預計戰情變得膠着，加上兩軍近期半場少交收，斯維建議不妨轉玩「半場細」。

（now 632周日清晨5時直播）

上仗皇馬無恥地輸畀CF格蘭納達，令佢哋落後一哥巴塞隆拿16分，教頭莫連奴已疊埋心水爭歐聯同西盃，嚟緊周中歐聯主場迎戰曼聯，關乎球隊今季成敗，顯然比今仗對西維爾更加重要，況且主力C朗、賓施馬、奧斯爾、沙治奧拉莫斯周中有為國家隊打熱身賽，舟車勞頓之下，莫帥可能會作出適當輪換，讓球員可養精蓄銳，迎接周中對曼聯嘅大戰。

西維爾自新帥艾美利一月接手後，六戰僅輸一仗，表現回勇唔少，高大中鋒尼格度已連續四場有士哥，面對有留力之嫌嘅母會皇馬，戰意十足實搏盡。
兩軍近仗半場少交收

不過作客巴拿貝點都以穩行先，西維爾唔會輕舉妄動，以體力壓迫大打拉布，令戰情變得更膠着。睇番紀錄，兩軍近期半場都冇乜交收，其中西維爾近十一仗有十次開「半場細」，預計今仗格局唔會點變，「半場細」有1.75倍咪嫌少。