阿仙奴難捉黑貓 轉玩和波膽

猪拉多纳

兵工廠去到光明球場周時啞火，唔係咁易「捉貓」喎！英超阿仙奴作客新特蘭，黑貓憑硬淨踢法及主場氣勢，近年不時喺到阿仙奴身上搵到着數，近5次喺自己地頭出擊僅輸1次，今戰和甚味濃，度士推介「1:1」同「2:2」兩個波膽。

（有線301及201台周六晚11時直播）

阿仙奴最擅打小組入楔，如果狀態好兼主場出擊，成日都可以打出水銀瀉地攻勢。但兵工廠向來一作客就得番7成功力，而且佢哋好怕波到人到嘅緊迫攔截，所以每每對住史篤城砌。新特蘭呢類擅打爛仔波嘅中型班，就冇乜優勢可言，失分機會好高，相信領隊雲格今場布陣會相當頭痕。
爛仔波遇強愈強

黑貓雖然近況麻麻，不過齋計主場聯賽和史雲斯、贏韋斯咸，個績又唔算好失禮。新特蘭冇乜叻，勝在班球員夠團結又夠爛打，今場勢必以老方法對付阿仙奴；但度士覺得要黑貓贏波佢哋又未必做到，所以好大機會和波，而兵工廠後防亦係麻麻，因此出現冇交收嘅機會唔大，因此波膽度士揀咗「1:1」同「2:2」，希望幫到大家發新年財。