日本慢熱半場造細

猪拉多纳

日本趁住國際賽檔期搵咗歐洲三流球隊拉脫維亞拍跳，日軍高度重視今場主場賽事，教頭沙哲朗尼徵召強勁海外兵團回國搏殺，但眾星搭完長途機後需時調整，預期會較為慢熱，估計半場入波唔多，蘇豪博半場細。

（有線61及201台周三晚6時20分直播）

日本大軍超過一半球員出國搵食，連曼聯球星香川真司都山長水遠飛返祖家作戰，加上本田圭佑、岡崎慎司及夏雲拿等星級進攻球員，級數甚高。不過，呢班海外兵團大部分喺球會連場拚搏，趕頭趕命返國踢太公波肯定不在最佳狀態。日軍向來入局慢，對上七戰六次開出半場細，唯一一場開大係對住世界級勁旅巴西，不能作準。
拉脫維亞攻力有限

另一邊廂拉脫維亞○四年爆大冷殺入歐國盃決賽周，此後無以為繼，近年已淪為歐洲三、四線弱旅。大軍目前仍然倚重前基輔戴拿模射手華柏高斯基斯擔大旗，呢位球星全盛時期都唔叻，依家功力頂盡得番八成，好打有限，難望威脅日軍後防！拉脫維亞作客出戰會專心防守，班球員有氣有力有機會頂到半場，一於博半場細。