奧連特搵修安聯着數

猪拉多纳

由英甲同英乙球隊爭奪嘅英格蘭聯賽錦標周三凌晨上演兩場四強首回合，四強中唯一一支英乙球隊修安聯將作客挑戰奧連特，睇番修安聯今屆晉級過程，大部分對手都只係同級隊伍，今次遇上高自己一班、兼且主場演出向來有保證嘅奧連特，要過關絕對唔容易，奧連特主W值支持。

（周三凌晨3時45分開賽）

修安聯今屆英錦標先後淘汰AFC溫布頓、杜根咸、賓福特及牛津聯打入四強，不過除咗賓福特之外，其餘三支同樣只係英乙球隊，而且四場入面有三場都喺主場出戰，唯一一場作客鬥牛津聯要以互射十二碼才淘汰對手，今次首回合先作客完全冇優勢可言。奧連特近期主場成績唔錯，對上六場三勝三和未輸過，面對英冠球隊侯城及英甲前列分子史雲頓皆保持不敗，對住實力次一級對手有力先拔頭籌。
高地猛火掃「克」

另一場同時間開波嘅四強首回合為全英甲對碰，高雲地利主場鬥克魯，高雲地利近四場三勝一和狀態弗，當中前鋒李安奇勒個人射入四球着晒火，克魯作客表現經常打折扣，捧主W啱數。