皇馬僅熟格 博埋1:2波膽

猪拉多纳

早兩個體拜大家仲熱烈討論緊皇馬嘅內亂同防線不穩問題，又話佢哋會疊埋心水爭盃，但實際上基本形勢根本冇變過，冇理由因為佢哋贏番幾個盤就當乜事都冇發生過，今晚西甲尾場「銀河艦隊」作客CF格蘭納達，1.8倍「讓球客勝」肯定唔抵玩，不如諗諗3.75倍「讓球和」。

（now632台周日清晨5:00直播）

皇馬近兩場聯賽夾埋派咗9隻光蛋，喺西班牙盃8強首回合又逼和巴塞隆拿，感覺上好似重返正軌，但最信得過嘅中堅比比同埋門將卡斯拿斯都仲抖緊，後防個計時炸彈仲未拆走，睇番皇馬今季聯賽11場作客戰績，就只得3仗可以淨勝對手兩球，唔似有能力上演大屠殺。
格蘭納達主場未嘗大敗

對手CF格蘭納達排喺聯賽榜尾4，為咗唔想跌入降班漩渦，日前就從馬拉加簽入翼鋒保拿洛迪，態度算係積極。當然以佢哋嘅實力，今仗迎戰皇馬都係落入下風，但睇番佢哋今季10次主場賽事，竟冇一場輸多過兩球，4次輸波當中，有3次都係開1:2，所以撐「讓球和」之餘，想好分頭可以博埋7.5倍嘅1:2波膽。
特別項目（先發事件）

（六）66：哪一件事會首先發生在基斯坦奴朗拿度（皇家馬德里）身上?

（1）被罰黃牌6.80倍

（2）被罰紅牌100倍

（3）入球1.72倍

（4）開出角球16.0倍

（5）被換出16.0倍

（6）上述事件沒有發生2.90倍